Khabar Kunja

२०७७ असार ९ मङ्गलबार, एजेन्सी । विश्व नम्बर एक टेनिस खेलाडी नोभाक जोकोविचलाई कोरोना भाइरसको संक्रमण भएको छ।

गत साता सर्वियामा प्रदर्शनी प्रतियोगिताको रुपमा रहेको एड्रिया टुर खेलेका जोकोविचलाई कोरोना लागेको हो । टुर अन्तर्गत दोस्रो लीगका लागि सर्वियन स्टार जोकोविच गत साता क्रोएसिया पुगेका थिए । तर प्रतियोगिता फाइनल अघि स्थगित भएको थियो।

एक खेलाडीलाई कोरोना भएपछि प्रतियोगिता स्थगित हुँदा फाइनलमा पुगेका जोकोविचले क्रोएसिया छाडेका थिए । प्रतियोगिता खेलेका ग्रिगोर दिमित्रोभलाई सुरुमा कोरोनाको संक्रमण भएको थियो। त्यसपछि बोर्ना कोरिक र भिक्टोर ट्रोइकी पनि कोरोनाबाट संक्रमित बन्न पुगेका थिए।

३३ वर्षीय जोकोविचले सर्वियाका भिक्टोरसँग पहिलो खेल खेलेका थिए । कोरोना भाइरसका कारण गत फेब्रुअरीदेखि टेनिसको आधिकारिक प्रतियोगिता एटिपी टुर भएको छैन । त्यसैले जोकोविचले कोरोनाबाट फ्रेस हुनका लागि एड्रिया टुर खेलेका थिए। जुन एटिपी टुरको इभेन्ट होइन।

टुरको पहिलो लीग सर्वियामा हुँदा ४ हजार फ्यान हेर्न आएका थिए । टुर भएकै बखत खेलाडीहरु बेलग्रेडको नाइटक्लबमा रमाएको तस्बिर सार्वजनिक भएको थियो।

फेसबुक प्रतिक्रिया

नम्बर एक टेनिस स्टार जोकोविचलाई कोरोना

ट्रेन्डिङ

सम्बन्धित समाचार