भौतिक पूर्वाधारमा गत वर्षभन्दा राम्रो प्रगति

२०७७ मङ्सिर १८ बिहीबार, काठमाडौं । भौतिक पूर्वाधार तथा यातायातमन्त्री वसन्तकुमार नेम्बाङले मन्त्रालयमा तुलनात्मकरुपमा गत वर्षभन्दा राम्रो प्रगति देखिएको बताउनुभएको छ । आर्थिक वर्ष २०७७/७८ को पहिले चौमासिक प्रगति समीक्षा एवं मन्त्रालयस्तरीय विकास समस्या समाधान समिति बैठकमा उहाँले मातहतका निकायलाई अहिले नै सन्तोष हुन सकिने अवस्था नरहेको भन्दै अझै धेरै गर्न सकिने औँल्याउनुुभयो ।

मन्त्री नेम्वाङले विकास निर्माणमा देखिएका समस्या मिहिनरुपमा पहिचान गर्न सकिए समाधान त्यही भेटिने बताउनुभयो । उहाँका अनुसार समस्याको सहीरुपमा उजागर हुन नसके समाधान गर्न सकिँदैन । उहाँले भौतिक पूर्वाधार मुलुकको आर्थिक विकाससँग प्रत्यक्ष जोडिएको उल्लेख गर्दै यस क्षेत्रमा ठूलो बजेट हुनु र खर्चको अपेक्षा गरिनु  स्वाभाविक रहेको बताउनुभयो । उहाँले पूर्वाधार निर्माणका क्षेत्रमा विगत एक दशकमा ठूलो परिवर्तन भएको पनि जिकिर गर्नुभयो ।

राज्य र जनताका अपेक्षा धेरै भएकाले राज्यको जिम्मेवार निकायमा बसेकाले आफूले कति गरेको छु भनी स्वमूल्याङ्कन गर्नुपर्ने उहाँको भनाइ छ । समयानुसार विकासको माग र मोडेल फरक हुने उहाँले बताउनुभयो । उहाँले भन्नुभयो, “हिजो जनताको माग सडक कालोपत्र गर्ने थियो, आज छ लेनको सडक अनि पहाडमा सुरुङको आवश्यकता भएको छ ।”

सो अवसरमा राष्ट्रिय योजना आयोगका उपाध्यक्ष प्रा डा पुष्पराज कँडेलले भौतिक पूर्वाधार क्षेत्र महत्वपूर्ण क्षेत्र भएको बताउनुभयो । भौतिक पूर्वाधार मन्त्रालय स्थलगतरुपमा काम गर्ने  मन्त्रालय भएको र सोहीअनुसार काम पनि गरिरहेको उहाँले जनाउनुभयो ।   मन्त्रालयका सचिव रवीन्द्रनाथ श्रेष्ठले मातहतका निकायलाई थप लगनशीलताका साथ काम गर्न निर्देशन दिनुभयो । उहाँले आयोजना प्रमुखलाई कार्यस्थलमा समय दिन समेत आग्रह गर्नुभयो ।

रासस

फेसबुक प्रतिक्रिया

सम्बन्धित समाचार