२०७७ मङ्सिर २६ शुक्रबार, काठमाडौं । युरोपा लिग फुटबलमा आर्सनलले समुहका सबै ६ खेलमा जित निकालेको छ ।
समूहको अन्तिम खेलमा गएराति आयरल्याण्डको डुन्डाल्क एफसीलाई ४–२ ले हराउँदै आर्सनलले समूह चरणमा शत प्रतिशत जितको यात्रालाई निरन्तरता दिएको हो ।
गएरातिको खेलमा आर्सनललाई विजयी गराउन एन्केतिया, एल्नेनी, विलक र बालोगनले एक एक गोल गरे ।
युरोपा लिगकै अर्को खेलमा इंग्ल्याण्डको टोटनह्याम हट्सपरले बेल्जियमको रोयल एन्ट्रेपलाई २–० ले हरायो ।
यसैगरी इंग्याण्डको लेष्टर सिटीले ग्रिसको एईके एथेन्सलाई २–० ले हराउँदा स्कटल्याण्डको रेन्जर्सले पोल्याण्डको लेछ पोयानलाई २–० ले नै पाखा लगायो ।
गएराति एसि मिलान, सेल्टीक, स्पोर्टिङ ब्रागा, होफनहाइम र डाईनामो जाग्रेब पनि विजयी भए । गएराति समूह चरणका खेलहरु सकिएसँगै थप ६ वटा टोली नक आउट चरणमा पुगेका छन् ।
यो सँगै युरोपा लिग फुटबलमा नक आउट चरणमा पुगने सबै ३२ वटा टोलीहरुको टुंगो लागेको छ ।
ट्रेन्डिङ
संक्रमणको ग्राफ बढ्दै, यी ५६ जिल्लामा निषेधाज्ञा
विश्वासको मत दिनुस् : ओली, दिन सक्दैनौँ : देउवा
माओवादीले फिर्ता लियो सरकारको समर्थन [पत्रसहित]
निषेधाज्ञामा पनि काष्ठमण्डप पुनःनिर्माणको काम धमाधम
निषेधाज्ञा झन् कडाः सबै पास रद्द, के छ नयाँ आदेशमा ?