चेल्सी वुल्भ्ससँग पराजित, बराबरीमा रोकियो म्यानचेस्टर सिटी

२०७७ पुष १ बुधबार, काठमाडौं । इङलिश प्रिमियर लिग अन्तर्गत चेल्सी पराजित भएको छ । गएराती सम्पन्न खेलमा वुल्भ्सले चेल्सीलाई २-१ गोल अन्तरले पराजित गरेको छ ।

वुल्भ्सको जितमा डानियल पोडेन्स र पेड्रो नेटोले एक एक गोल गरेका थिए । त्यस्तै चेल्सीका लागि ओलिभर गिराउडले एक गोल गरेका थिए । १-१ गोलको बराबरी रहेको अवस्थामा वुल्भ्सका पेड्रोले खेलको ९५औ मिनेटमा गोल गर्दै चेल्सीलाई पराजित गरेको थियो ।

वुल्भ्स यो जितपछि १३ खेलपछि २० अंक हासिल गरेको छ भने लिगमा १०औँ स्थानमा उक्लिएको छ । त्यस्तै चेल्सी भने १३ खेलमा २२ अंकसहित लिगको पाँचौं स्थानमा रहेको छ ।

त्यस्तै लिगमा गएराती भएको खेलमा म्यानचेस्टर सिटी वेस्ट ब्रोमविचसँग १-१ गोलको बराबरीमा रोकिएको छ । यो बराबरीपछि सिटीको १२ खेलमा २० अंकरहेको छ भने वेस्ट ब्रोमविचको १३ खेलमा ७ अंक रहेको छ ।

फेसबुक प्रतिक्रिया

सम्बन्धित समाचार