२०७७ पुष २ बिहीबार, काठमाडौं । चीनको चाङ्ग-अ फाइभ अभियान अन्तर्गत चन्द्रमाबाट चट्टान र धुलो लिएर आएको अन्तरिक्ष यान पृथ्वीमा फर्किएको छ।
उक्त अन्तरिक्ष यान बिहीवार स्थानीय समय अनुसार १:३० बजे भित्री मङ्गोलिया क्षेत्रमा अवतरण गरेको बीबीसीले जनाएको छ ।
अमेरिकी एपोलो र सोभियत लुना अभियानले चन्द्रमाबाट नमुना ल्याएको ४० वर्षभन्दा बढी भइसकेको छ। अहिले ल्याइएका नयाँ नमुनाले पृथ्वीको उपग्रह र चन्द्रमाको भूगर्भबारे ताजा जानकारीहरू प्रदान गर्नेछ।
बीबीसीका अनुसार चाङ्ग-अ फाइभ अभियान सफलतापूर्वक सकिनुलाई चीनको अन्तरिक्षमा बढ्दो क्षमताको अर्को प्रदर्शनका रुपमा पनि हेरिनेछ।
चाङ्ग-अ फाइभ अभियान नोभेम्बरको अन्त्यमा चन्द्रमामा पठाइएको थियो। चन्द्रमाको सतहमा अवतरण गरेको अन्तरिक्ष यानको ल्यान्डर भनिने भागले त्यहाँ वरपरको क्षेत्र अवलोकन गरेर अनि सामग्रीहरू सङ्कलन गरेर बिताएको थियो।
ट्रेन्डिङ
सामाजिक सञ्जालमा नरहरि बुटी : कोरोना भाइरसको औषधि भन्ने दाबी सही हाे ?
सीसीएमसीलाई थप अधिकारसम्पन्न बनाइँदै
हाच्छिँयु गरेर कोरोना उडाइदिनुपर्छ भन्ने प्रधानमन्त्रीको होस बल्ल खुल्न थाल्यो
कोभिड कहरबीच निगमले बढायो पेट्रोलियमको मूल्य
इजरायल-प्यालेस्टाइन द्वन्द्वमा १८८ ले ज्यान गुमाए