प्लास्टिक सर्जरीबाट नितम्ब सुन्दर बनाउन खोज्दा सुन्दरी मोडलको मृत्यु

२०७७ पुस ४ शनिबार, काठमाडौं । नितम्ब सुन्दर बनाउन शल्यक्रिया (प्लास्टिक सर्जरी) गराउँदा मेक्सिकोकी एक इन्स्टाग्राम मोडलको मृत्यु भएको छ । स्विमसुट डिजाइनरसमेत रहेकी क्यानो मोडल ३० वर्षीया जसलिन क्यानोले नितम्बको प्लास्टिक सर्जरी गराउने क्रममा मृत्यु भएको हो ।

जसलिनलाई मेक्सिकोकी किम कार्दासियन पनि भनिन्छ । इन्स्टाग्राममा क्यानोका लगभग १३ मिलियन फलोअर्स छन् जो उनको सुन्दर फिगरका प्रशंसक हुन् ।

अन्तर्राष्ट्रिय सञ्चारमाध्यमका अनुसार यो महिनाको सुरुवातमा क्यानो आफ्नो क्यालिफोर्नियास्थित घरबाट कोलम्बियामा प्लास्टिक सर्जरी गराउन गएकी थिइन् ।

‘बट लिफ्ट’ भनिने शल्यक्रियामार्फत क्यानोको पेटबाट बोसो निकालेर उनको नितम्बमा राखिँदै थियो । त्यस क्रममा उनको मृत्यु भएको हो । चिकित्सकका अनुसार यस्तो शल्यक्रियामा तीन हजार व्यक्तिमध्ये एक जनाको मृत्यु हुने गर्छ ।

फेसबुक प्रतिक्रिया

सम्बन्धित समाचार