२०७७ असार १३ शनिबार,एजेन्सी । जोए बाइडेन अमेरिकामा आगामी नोभेम्बरमा हुन लागेको राष्ट्रपति पदका लागि बलियो प्रतिष्पर्धीको रुपमा देखिँदैछन् । डेमोक्रेट्सको तर्फबाट उम्मेदवारमा छानिएपछि ७७ वर्षीय बाइडेन यसअघि बाराक ओबामाको राष्ट्रपतिकालमा उपराष्ट्रपति बनिसकेका नेता हुन् ।
हाल डोनल्ड ट्रम्पविरुद्ध बलियो प्रतिष्पर्धीको रुपमा उनी खडा भएका छन् । तर उनले यदी आगामी निर्वाचन जिते भने उनी नै अमेरिकाको सबैभन्दा बढी उमेरको राष्ट्रपति हुनेछन् । तर उनै बाइडेनका लागि अमेरिकामा सक्षम र युवा महिला नेत्रीहरुले साथ दिएका छन् । जसमध्ये तीन महिला नेत्रीको नाम प्रमुखताका साथ अघि सारिएको छ ।
कमला हरिस, भल डेमिंग्स र सुसान राइस बाइडेनको सम्भावित उपराष्ट्रपति बन्ने दौडमा छन् । उनीहरुमध्ये कमला अमेरिकी राजनीतिमा प्रभाव जमाउनसक्ने जवर्जस्त महिला हुन् । उनी क्यालिफोर्नियाबाट विधायक बनेकी हुन् । यस्तै भल फ्लोरिडाबाट विधायक बनेकी हुन् भने सुसन पूर्वराष्ट्रिय सुरक्षा सल्लाहकार हुन् ।
बाइडेनले उनै तीनमध्ये एक महिलालाई आफ्नो उपराष्ट्रपति उम्मेदवार छान्नुपर्ने छ । यूएसए टुडेका जिल लरेन्सका अनुसार बाइडेनलाई हरिस वा डेमिंग्समध्ये एक छान्नुपर्ने अवस्था आउनेछ । सामान्यतः यो छनोट प्रक्रियाले नै राष्ट्रपति पदका उम्मेदवारको छनोटको धारणा तय गर्ने अमेरिकी मिडियाहरु जनाउँछन् ।
ह्यारिस, डेमिंग्स र राइस तीनैजना कुशल नेत्री हुन् । साथै ट्रम्पविरुद्ध कडा आवाज उठाउँदै आएका महिला नेत्री पनि हुन् उनीहरु । यद्यपि डेमिंग्सको तुलनात्मक रुपमा छोटो राजनीतिक करिअर छ । तर ट्रम्पमाथि महाअभियोग दर्ताको प्रक्रियामा उनको महत्वपूर्ण भूमिका थियो ।
ह्यारिस र डेमिंग्सको आपराधिक न्याय प्रणालीमा छोटो अनुभव आगामी सरकारका लागि फाइदाजनक हुनसक्ने पनि आंकलन गरिन्छ । जसले गर्दा सम्भावित नीति निर्माणमा सघाउ पुग्नेछ ।
राइस भने कहिल्यै जनताबाट चुनिएकी छैनन् । यद्यपि बिल क्लिन्टन र बाराक ओबामासँग काम गरिसकेकी उनीसँग उच्चस्तरीय नीति निर्माणको विज्ञता छ ।
राष्ट्रिय सुरक्षा सल्लाहकार र यूएनको राजदूत बनिसकेकी राइस जनप्रतिनिधि नभए पनि उनको विज्ञताको प्रशंसा गरिन्छ । संयोगक कस्तो भने, डेमोक्रेटिक तर्फबाट सम्भावित उपराष्ट्रपतिका उम्मेदवार तीनै महिला अस्वेत वा आप्रवासी अनुहार हुन् । तीनमध्ये जोसुकै छानिए पनि बाइडेनका लागि त्यो मतका हिसावले फाइदाजनक नै हुनेछ ।
‘ब्ल्याक लाइभ्स म्याटर’ अभियान चलिरहेका बेला एक गोरा राष्ट्रपति उम्मेदवारले अस्वेत उपराष्ट्रपति उम्मेदवार बनाउनु मत संकलनका लागि लाभदायी हुनेछ । र त्यसो गरे भने बाइडेनले एक इतिहास समेत बनाउनेछन् ।
(एजेन्सीहरुको सहयोगमा)
ट्रेन्डिङ
सामाजिक सञ्जालमा नरहरि बुटी : कोरोना भाइरसको औषधि भन्ने दाबी सही हाे ?
सीसीएमसीलाई थप अधिकारसम्पन्न बनाइँदै
हाच्छिँयु गरेर कोरोना उडाइदिनुपर्छ भन्ने प्रधानमन्त्रीको होस बल्ल खुल्न थाल्यो
कोभिड कहरबीच निगमले बढायो पेट्रोलियमको मूल्य
इजरायल-प्यालेस्टाइन द्वन्द्वमा १८८ ले ज्यान गुमाए