म्यानचेस्टर सिटी एफए कपको सेमिफाइनलमा

२०७७ असार १५ साेमबार, एजेन्सी । एफए कप अन्तर्गत गएराति भएको खेलमा म्यानचेस्टर सिटीले न्यु क्यासललाई हराउँदै सेमिफाइनलको यात्रा तय गरेको छ। सेन्ट जेम्स पार्क स्टेडियममा भएको खेलमा सिटीले न्यु क्यासलमाथि २-० को जित निकाल्दै सेमिफाइनल प्रवेश गरेको हो।

सिटीको जितमा केभिन डी ब्रुइन र रहिम स्ट्रलिङले १/१ गोल गरे। खेलको ३७ औं मिनेटमा पेनाल्टीमा पाएको अवसर सदुपयोग गर्दै ब्रुइनले सिटीलाई अग्रता दिलाएका थिए। पहिलो हाफमा १ गोलले अघि रहेको सिटीका लागि स्ट्रलिङले दोस्रो हाफमा अर्को गोल थपे। उनले खेलको ६८ औं मिनेटमा फोडेनको पासमा गोल गर्दा सिटीले २-० को जित निकाल्न पुग्यो।

जितसँगै सिटीले सेमिफाइनलमा आर्सनलसँग खेल्ने छ।

फेसबुक प्रतिक्रिया

सम्बन्धित समाचार