२०७७ असार १७ बुधबार, एजेन्सी । कोरोना भाइरसबाट सङ्क्रमित हुनेहरुको संख्या भारतमा छ लाख पुग्न लागेको छ। सरकारी अधिकारीहरुले बुधबार दिएको जानकारी अनुसार भारतमा हालसम्म कोरोनाभाइरसबाट पाँच लाख ८५ हजार ४९३ जना सङ्क्रमित भएका छन्।
ती मध्य पछिल्लो २४ घण्टामा मात्रै १८ हजार ६५३ जना कोरोनाभाइरसबाट सङ्क्रमित भएको अधिकारीहरुले जनाएका छन् । केन्द्रीय स्वास्थ्य तथा परिवार कल्याण मन्त्रालयले दुई लाख २० हजार ११४ जना अझै पनि सङ्क्रमित अवस्थामै रहेको जनाएको छ।
कुल सङ्क्रमित मध्य तीन लाख ४७ हजार ९७९ जना सङ्क्रमण मुक्त भएको मन्त्रालयले जनाएकाे छ। भारतमा कोरोनाभाइरसका कारण अहिलेसम्म १७ हजार ४०० जनाको मृत्यु भइसकेको छ। ती मध्ये ५०७ जनाको मृत्यु पछिल्लो २४ घण्टामा भएको हो।
प्रदेश अनुसार हेर्दा भारतमा सबैभन्दा धेरै सङ्क्रमित महाराष्ट्रमा देखिएका छन्। त्यहाँ कुल सङ्क्रमितको संख्या एक लाख ७४ हजार ७६१ पुगेको छ। त्यसैगरी तमिलनाडुमा ९० हजार १६७ जना सङ्क्रमित भएका छन्। अधिकारीहरुका अनुसार तमिलनाडुमा एक हजार २०१ जनाको मृत्यु भएको छ भने दिल्ली प्रदेशमा ८७ हजार ३६० जना सङ्क्रमित भएका छन्।
ट्रेन्डिङ
सर्वोच्चको आदेशपछि पदमुक्त मन्त्रीहरु : कोही डेढा खोज्दै, कोही सिफ्ट भइसके
युरोकप : अन्तिम १६ मा कुन टिमले कोसँग खेल्दै ?
प्रतिनिधिसभा विघटन मुद्दाको आजदेखि निरन्तर सुनुवाइ हुने
प्रधानमन्त्रीका कारण देश गम्भीर संटकतर्फ : विपक्षी गठबन्धन
क्लब हाउसमा प्रहरी अधिकृतको तस्बिर दुरुपयोग गर्ने व्यक्ति पक्राउ