अभिनेता डानी हिक्सको निधन

२०७७ असार १८ बिहीबार, काठमाडौं । हलिवुडका ‘इभिल डेड २’ फेम अभिनेता डानी हिक्सको निधन भएको छ । क्यान्सरसँग लडिरहेका अभिनेता हिक्स ६८ बर्षको उमेरमा चौथो स्टेजको क्यान्सरसँग पराजित हुदै संसार छोडेका छन् ।

हिक्सको फिल्म निर्माण कम्पनिले उनको मृत्यु भएको आधिकारिक जानकारी फेसबुक मार्फत दिएको थियो ।

अघिल्लो महिना मात्र क्यान्सर चौथो स्टेजमा पुगिसकेको जानकारी पाएका हिक्सले आफैले आफ्नो चौथो स्टेजको क्यान्सर बारे जानकारी दिदै आफु अब धेरै नबाच्ने बताएका थिए ।

उनले सन १९८७ मा इभिल डेड-२ बाट आफ्नो हलिवुड यात्रा शानदार रुपमा शुरु गरेका थिए ।

हलिवुडका ३६ फिल्ममा काम गरेका हिक्सको सन २०१९ मा द ब्लड हन्टर रिलिज भएको थियो । उनले डार्कम्यान, विशमास्टर, माई नेम इस ब्रुस, स्पाइडर म्यान-२ जस्ता फिल्ममा समेत काम गरेका थिए ।

फेसबुक प्रतिक्रिया

सम्बन्धित समाचार