२०७७ असार १८ बिहीबार, एजेन्सी । इङलिस प्रिमियर लिग अन्तर्गत गएराति भएको खेलमा आर्सनलले नर्विच सिटीमाथि फराकिलो जित निकालेको छ। इमिरेट्स स्टेडियममा भएको खेलमा घरेलु टोलीले नर्विचमाथि ४-० को फराकिलो जित निकालेको हो।
आर्सनलको जितमा पियरे एम्रिक औबुमियङले २ गोल तथा ग्रानित साका र सेड्रिक सोयसले समान १/१ गोल गरे।
खेलको ३३ औं मिनेटमा औबुमियङले घरेलु टोलीलाई अग्रता दिलाएका थिए। त्यसको चार मिनेटभित्रै फेरि साकाले औबुमियाङको पासमा गोल गर्दै अग्रता दोब्बर बनाए। पहिलो हाफमा आर्सनल २ गोलले अघि रह्यो। दोस्रो हाफमा औबुमियाङले नै दोस्रो गोल थपे। उनले खेलको ६७ औं मिनेटमा गोल गर्दा सोएरेसले अर्को गोल थपे। र, आर्सनले ४-० को सहज जित आफ्नो पक्षमा पार्यो।
जितसँगै ४६ अंक जोडेको आर्सनल सातौं स्थानमा उक्लिएको छ। अर्कोतर्फ नर्विच भने अंकतालिकको पुछारमा २१ अंकसहित रहेको छ। रेलिगेसनको भयमा रहेको नर्विचसिटी भन्दा अघि रहेको बर्नेमाउथ र एस्टोन भिल्लाको २७ अंक छ।
ट्रेन्डिङ
उपत्यकामा निजी सवारीमा जोर-बिजोर प्रणाली लागू, बारअनुसार पसल खोल्न पाइने
युरो कपमा स्वीट्जरल्याण्डको शानदार जित ,शाकिरीले गरे दुई गोल
उरुग्वेलाई हराउँदै अर्जेन्टिना शीर्षस्थानमा
फेसबुकले के थप्दैछ नयाँ विशेषता ?
त्रिविले सबै परीक्षा साउनभित्र सक्ने, कहिले आउँछ तालिका ?