उपाधि जितेको लिभरपुलविरुद्ध म्यानचेस्टर सिटीको ४ गोल

२०७७ असार १९ शुक्रबार, एजेन्सी । इङलिश प्रिमियर लिग विजेता लिभरपुललाई म्यानचेस्टर सिटीले पराजित गरेको छ । गएराती सम्पन्न खेलमा सिटीले लिभरपुलमाथि ४-० को जित हासिल गरेको हो ।

सिटीको जितमा केभिन डि ब्रुने, रहीम स्टरलिन र फिल फोडेनले एक एक गोल गरेका थिए भने एक गोल एलेक्स च्याम्बरलिनले आत्मघाती गोल गरेका थिए । यो लिभरपुलको यस सिजनमा दोस्रो हार हो ।

यो जितपछि सिटीले भने तेस्रो स्थानमा रहेको लेस्टर सिटीमाथि ११ अंकको अग्रता हासिल गरेको छ । सिटीको ३२ खेलमा ६६ अंक भएको छ भने उपाधि जितेको लिभरपुलको ३२ खेलमा ८६ अंक रहेको छ ।

त्यस्तै तेस्रो स्थानमा रहेको लेस्टरको ३२ खेलमा ५५ अंक रहेको छ ।

फेसबुक प्रतिक्रिया

सम्बन्धित समाचार