इरानमा कोरोनाको दोस्रो लहर

२०७७ असार २१ आइतबार, एजेन्सी । कोरोना भाइरस (कोभिड-१९) को दोस्रो लहरको आशंका बढेसँगै इरानमा सार्वजनिक स्थानमा मास्क लगाउनेबारे इरानी सरकारले नयाँ नियम ल्याएकाे छ ।

हसन रौहानी, इरानका राष्ट्रपतिले सरकारले ल्याएको नियम नमान्ने मानिसहरुलाई अहिले दिँदै आएको सरकारी सुविधा कटौती गरिने बताएका छन् । कुनै कार्यालय, पसल वा कार्यस्थलका लागि ल्याएको नियम पालना नगरे सो व्यवसायलाई एक साताका लागि बन्द गरिने रौहानीले बताएका छन् ।

इरानमा गत अप्रिल महिनाबाट कोरोना संक्रमितमा कमी आउन सुरु गरेको थियो । तर, पुनः कोरोना भाइरसका नयाँ संक्रमितको संख्यामा वृद्धि भइरहेको छ इरानी सरकारले बताएकाे छ । संक्रमण पुनः बढेसँगै इरानले पाँच प्रान्तका सहर तथा क्षेत्रहरुमा फेरी लकडाउन गर्ने घाेषणा गरेको छ ।

स्रोत : बीबीसी

फेसबुक प्रतिक्रिया

सम्बन्धित समाचार