२०७७ असार २२ साेमबार, एजेन्सी । बलिउड अभिनेता टाइगर श्रफले नेपोटिज्म (नातावाद/गुटबन्दी)बारे आफ्नो धारणा सार्वजनिक गरेका छन्। बलिउड अभिनेता ज्याकी श्रापका छोरा टाइगरले आफन्त र परिवारका सदस्य हुँदा बलिउड फिल्म इण्डस्ट्रीमा प्रवेश गर्न सहज भए पनि स्थापित हुन एकदमै कठीन रहेको अनुभव सुनाएका छन्।
अभिनेता सुशान्तसिंह राजपुतको आत्महत्यापछि बलिउडमा नेपोटिज्मबारे बहस भइरहेका बेला टाइगरले आफ्नो अनुभव सुनाएका हुन्। उनले इण्ड्रस्टीमा आफ्ना अभिभावक हुँदा उनीहरुको ख्यातीलाई गिर्न नदिने, अझ राम्रो गर्ने दबाब हुने स्मरण गरे।
‘पिता इण्ड्रस्टीमा हुँदा म माथि बढी प्रेसर छ। मानिसहरुलाई लाग्छ हामीलाई सहज छ। तर, म झुठो बोल्दिन। एक तरिकाले मानिसको ध्यान खिच्न सजिलो छ। तर हामीले आफूलाई स्थापित गर्नका लागि दोब्बर मेहनत गर्नुपर्छ। मैले आफूलाई पिताको छाया र इमेजबाट बाहिर निकाल्न सकेको छु,’ उनले भने।
आफूले पिता ज्याकीको ३० वर्षदेखि फिल्म इण्ड्रस्टीमा सफलता र असफलता सबै देखेको भन्दै उनले बाल्यकालमा पिताले धेरै नै साथ दिए स्मरण गरे। अहिले आफू आफ्नो खुट्टामा उभिएकाले आफूलाई टारगेट गर्न सहज भएको उनको भनाई छ।
ट्रेन्डिङ
विश्वकप छनोटका लागि नेपाली टोलीको घोषणा, नयाँ अनुहारलाई प्राथमिकता (सूचिसहित)
जसपा : दलको नेतामा महतोलाई दाबी गर्दै संसद सचिवालयमा महन्थको पत्र
भारतमा शक्तिशाली ‘ताउ-ते’को आतंकः नेपाल प्रभाव कस्तो ?
उपत्यकाका यी अस्पतालमा खाली छन् आईसीयू र भेन्टिलेटर [सूची]
परीक्षा नहुँदै दोस्रो वर्षको अध्यापन