Khabar Kunja

२०७७ असार २५ बिहीबार, एजेन्सी। स्पेनिस ला लिगामा बार्सिलोना विजयी भएको छ । गएराती सम्पन्न खेलमा बार्सिलोनाले इस्पान्योललाई १-० गोल अन्तरले पराजित गरेको हो । बार्सिलोनाको जितमा लुइस स्वरेजले खेलको एक मात्र गोल गरेका थिए ।

स्वरेजले खेलको ५६औ मिनेटमा गोल गरेका थिए ।

स्वरेजले यस खेलमा गोल गरेसँगै बार्सिलोनाको अल टाइम स्कोररमा तेस्रो स्थानमा उक्लिएका छन् । स्वरेजले बार्सिलोनाका लागि अहिलेसम्म १९५ गोल गरेका छन् । उनी मेसीको ६३० र सेजारको २३२ पछि बार्सिलोनाका लागि तेस्रो धेरै गोल गर्ने खेलाडी बनेका छन् । स्वरेजले हंगेरीका लाजिओ कुबालाको बार्सिलोनाका लागि गरेको १९४ गोलको रेकर्डलाई उछिन्दै तेस्रो स्थानमा उक्लिएका हुन् ।

यस खेलमा बार्सिलोनाका अन्सु फातीले खेलको ५०औ मिनेटमा र इस्पान्योलका पोल लोजानोले खेलको ५३औ मिनेटमा रातो कार्ड पाएपछि दुवै टिम १०-१० खेलाडीमा सिमित भएका थिए ।

रातो कार्ड खाएका १७ बर्ष २५१ दिनका फाती यस सेन्चुरीमै रातो कार्ड पाउने दोस्रो युवा खेलाडी बनेका छन् । यस अघि बार्सिलोनाकै १७ बर्ष ५७ दिनका मार्क मुनिएसाले रातो कार्ड पाएका थिए ।

यो जितसँगै बार्सिलोनाले महत्वपूर्ण ३ अंक हासिल गर्दै ३५ खेलमा ७६ अंक हासिल गरेको छ । त्यस्तै शिर्ष स्थानमा रहेको रियल म्याड्रिडसँग एक अंकले पछाडी रहेको छ । रियल म्याड्रिड एक खेल कम खेल्दै ३४ खेलमा ७७ अंक रहेको छ ।

फेसबुक प्रतिक्रिया

बार्सिलोनाको जितमा स्वरेजको निर्णायक गोल

ट्रेन्डिङ

सम्बन्धित समाचार