२०७७ असार २६ शुक्रबार, एजेन्सी । इटालियन सिरी ए मा इन्टर मिलान बराबरीमा रोकिएको छ । गएराती सम्पन्न खेलमा इन्टर मिलान हेल्लास भेरोनासँग २-२ गोलको बराबरीमा रोकिएको हो । २-१ गोलले अगाडी रहेको इन्टरलाई खेलको ८६औ मिनेटमा भेरोनाका मिगुएल भेल्सोले गोल गरेर खेल बराबरी गरेपछि झट्का लागेको थियो ।
इन्टरका लागि एक गोल एन्टोनीयो कानड्रेभाले गरेका थिए भने एक गोल भेरोनाका फेड्रीको डिमार्कोले आत्मघाती गोल गरेका थिए । त्यस्तै भेरोनाका लागि पहिलो गोल डार्को लाजोभिकले खेलको दोस्रो मिनेटमा नै गरेका थिए ।
यो बराबरीपछि इन्टर मिलान लिगमा तेस्रो स्थानमा उक्लिने अवसर गुमाएको छ । अहिले इन्टर ३१ खेलमा ६५ अंकसहित चौथो स्थानमा रहेको छ । त्यस्तै भेरोनाको भने ३१ खेलमा ४३ अंक छ र लिगमा नवौ स्थानमा रहेको छ ।
इटालियन सिरी ए युभेन्टस ३१ खेलपछि ७५ अंकसहित शिर्ष स्थानमा छ भने लाजियो ६८ अंकसहित दोस्रो र एटलान्टा ६६ अंकसहित तेस्रो स्थानमा रहेको छ ।
ट्रेन्डिङ
उपत्यकामा निजी सवारीमा जोर-बिजोर प्रणाली लागू, बारअनुसार पसल खोल्न पाइने
युरो कपमा स्वीट्जरल्याण्डको शानदार जित ,शाकिरीले गरे दुई गोल
उरुग्वेलाई हराउँदै अर्जेन्टिना शीर्षस्थानमा
फेसबुकले के थप्दैछ नयाँ विशेषता ?
त्रिविले सबै परीक्षा साउनभित्र सक्ने, कहिले आउँछ तालिका ?