वेस्ट इन्डिज इंग्ल्यान्डमाथि भारी

२०७७ असार १७ शनिबार, एजेन्सी । वेस्ट इन्डिज इंग्ल्यान्डविरुद्धको पहिलो टेस्टको तेस्रो दिन शुक्रबारको समाप्तिमा बलियो स्थितिमा रहेको छ । इंग्ल्यान्डले आफ्नो दोस्रो इनिङ्स सुरु गरेर बिना विकेट क्षति १५ रन बनाएको छ र अझै ९९ रनले पछाडि छ ।

सुरुवाती दुई इनिङ्सको समाप्तिमा वेस्ट इन्डिज १ सय १४ रनले अगाडि रहेको थियो । पाहुना टिमले एक विकेटमा ५७ रनबाट अगाडि खेल्न सुरु गरेर ३ सय १८ रनको स्कोर खडा गरेको थियो ।

त्यसमा क्रेग ब्रेटवाइटले ६५ र सेन डोरिचले ६१ रन बनाए । इंग्ल्यान्ड आफ्नो पहिलो इनिङ्समा २ सय ४ रनमा समेटिएको थियो । अब शनिबार चौथो दिनको खेलमा इंग्ल्यान्डमाथि बलियो स्कोर बनाउने दबाब हुनेछ ।

फेसबुक प्रतिक्रिया

सम्बन्धित समाचार