बलीउडमा काेराेना: अनुपम खेरकी आमा र दाजुलाई पनि कोरोना संक्रमण

२०७७ असार २८ आइतबार, एजेन्सी । बलिवुडमा कोरोनाको संक्रमण फैलिदै गएको देखिएको छ । महानायक अमिताभ बच्चनको परिवारमा अमिताभका बाबु छोरा संक्रमित भएपछि अर्का अभिनेता अनुपम खेरको परिवारमा समेत कोरोना पुगेको छ ।

अनुपम खेरको टेस्ट निगेटिभ आएपनि उनकी आमा र दाजुलाई कोरोना संक्रमण भएको छ । अनुपम खेर आफैले सामाजिक संजालमा भिडियो संदेश जारी गरेर सो कुराको जानकारी दिएका छन् । त्यस्तै अनुपमकी भाउजु र भतिजीलाई समेत कोरोना संक्रमण भएको उनले जानकारी दिएका छन् ।

अनुपमले अहिले आफ्नी आमासहित दाजुलाई मुम्बईस्थित कोकिलाबेन अस्पतालमा भर्ना गरेको जानकारी दिएका छन् ।

फेसबुक प्रतिक्रिया

सम्बन्धित समाचार