आतंकवादीसँगको झडप : चार पाकिस्तानी सैनिकको मृत्यु

२०७७ असार ३० मङ्गलबार, एजेन्सी । पाकिस्तानको उत्तरी वाजिरिस्तान क्षेत्रमा लुकिछिपी बसेका आतंकवादीहरुसँग भएको झडपका क्रममा परी कम्तीमा पनि चार जना पाकिस्तानी सेनाको ज्यान गुमाएका छन् । उक्त क्षेत्रमा आतंकवादीहरु लुकिछिपी बसेका सूचनाकाे आधारमा पाकिस्तानी सैनिकले अवस्थामा कारबाही गरेको थियो । उक्त कारबाहीका क्रममा ४ सैनिक मारिएको पाकिस्तान सरकारले जनाएको छ । सोमबार(हिजाे) ती सैनिक मारिएको पाकिस्तान सररकारले बाएकाे छ ।

सो कारबाहीका क्रममा कम्तीमा पनि चार जना पाकिस्तानी सैनिक मारिएका छन्, पाकिस्तानी सेनाको स्रोतलाई उद्धृत गर्दै पाकिस्तानको एक दैनिक पत्रिका डनले जनाएको छ ।

पाकिस्तानी सेनाले प्रकाशन गरेको सो विज्ञप्तिमा उत्तरी वाजिरिस्तानमा आतंकवादीहरुलाई खोजी गएको सेनामाथि लुकेर बसेका आतंकवादीहरुले हमला गरेका थिए । पाकिस्तानी सेनाले त्यसको जवाफी फायर गरेको र सेनातर्फ चार जनाको ज्यान गएको पाकिस्तानका सैनिक अधिकारीले जनाएका छन् ।

गत महिनामा पनि सोही क्षेत्रमा पाकिस्तानी सेनाका दुई जना सदस्यको यसैगरी ज्यान गएको थियो । तर यस आक्रमणका विषयमा कुनै पनि आतंकवादी संगठनले भने केही बताएको छैन ।

फेसबुक प्रतिक्रिया

सम्बन्धित समाचार