२०७७ श्रावण १ बिहीबार, एजेन्सी । ब्राजिलका राष्ट्रपति जायर बोल्सोनारोले आफूमा कोरोना भाइरसको संक्रमण कायमै रहेको बताएका छन्। पछिल्लो पटक भएको परीक्षणमा पनि आफूमा संक्रमण देखिएको राष्ट्रपति बोल्सोनारोले बुधबार पत्रकारलाई जानकारी दिएको समाचार संस्था रोयटर्सले जनाएको छ ।
हप्ता दिनअघि बोल्सोनारोलाई कोरोना भाइरसको संक्रमण पुष्टि भएको थियो । झण्डै हप्ता दिनपछि गरेको परीक्षणमा पनि संक्रमण कायमै रहेको देखिएको हो । अबको केही दिनमा फेरि परीक्षण हुने उनले बताएका छन् । बोल्सोनारोको दोस्रो परीक्षणमा पनि संक्रमण देखिएको खबर सिएनएन ब्राजिलले सार्वजनिक गरेको थियो ।
कोरोना भाइरसको महामारीका कारण विश्वमा सबैभन्दा बढी प्रभावित हुने देशको सूचिमा ब्राजिल दोस्रो स्थानमा छ । दक्षिण अमेरिकी देश ब्राजिलमा संक्रमितको संख्या १९ लाख ६६ हजार भन्दा बढी पुगेको छ । त्यसमध्ये ७५ हजार तीन सय भन्दा धेरैको ज्यान गएको छ ।
विश्वभर कोरोना भाइरसबाट संक्रमित हुनेको संख्या एक करोड ३५ लाख चार हजार भन्दा बढी पुगेको छ । यस्तै अहिलेसम्म पाँच लाख ८२ हजार सात सय भन्दा धेरैको ज्यान गएको छ ।
ट्रेन्डिङ
झिनो अंकले घट्यो नेप्से, झण्डै ११ अर्बको कारोबार
प्रधानमन्त्रीको जिकिर- अदालतले प्रधानमन्त्री नियुक्त गर्न सक्दैन
अब ‘स्मार्ट लकडाउन’सहित निषेधाज्ञा खुकुलो
एरिक्सन भन्छन्- मलाई सुधार भइरहेको छ
नारायणीमा पानीको सतह इतिहासकै उच्च विन्दुमा