आर्सनल एफए कपको फाइनलमा

२०७७ श्रावण ४ आइतबार, एजेन्सी । आर्सनल एफए कपको फाइनलमा पुगेको छ । गएराती सम्पन्न सेमिफाइनल खेलमा म्यानचेस्टर सिटीलाई २-० गोल अन्तरले पराजित गर्दै आर्सनल एफए कपको फाइनलमा पुगेको हो ।

आर्सनलको जितमा पिएर्रे एमेरिक अउबामेयांगले दुवै गोल गरेका थिए । अउबामेयांगले खेलको १९औ र ७१औ मिनेटमा गोल गरेका थिए ।

योसँगै आर्सनल योसहित २१औ पटक एफए कपको फाइनलमा पुगेको छ । आर्सनल अहिलेसम्म सबै भन्दा धेरै १३ पटक एफए कपको उपाधि जितेको छ ।

अब आर्सनलले आज हुने चेल्सी र म्यानचेस्टर युनाइटेडबीचको दोस्रो सेमिफाइनलको विजेतासँग उपाधिका लागि अगस्ट १ मा फाइनल खेल्ने छ ।

फेसबुक प्रतिक्रिया

सम्बन्धित समाचार