ला लिगाको अन्तिम खेल: बार्सिलोनाको शानदार जित

२०७७ श्रावण ५ साेमबार, एजेन्सी । बार्सिलोनाले ला लिगाको अन्तिम खेलमा शानदार जित हासिल गरेको छ । आइतबार सम्पन्न खेलमा बार्सिलोनाले डिपोर्टिभो आल्भेजलाई ५-० गोल अन्तरले पराजित गरेको हो ।

बार्सिलोनाको जितमा लियोनेल मेसीले २ गोल गरेका छन् भने अन्सु फाती, लुइस स्वरेज र नेल्सन सेमेडोले एक एक गोल गरेका छन् ।

त्यस्तै यस खेलमा मेसीले एक गोल असिस्ट समेत गरेका छन् ।  मेसीले फातीको गोल असिस्ट गर्दै यस सिजनको ला लिगामा असिष्ट संख्या २१ पुर्याएका छन् । त्यस्तै यस सिजनमा मेसीले ला लिगामा २५ गोल गरेका छन् ।

योसँगै बार्सिलोनाले यस सिजनमा ३८ खेलमा ८२ अंक हासिल गर्दै लिगमा दोस्रो स्थानमा रहदै ला लिगा सकेको छ ।

यस सिजनको उपाधि भने रियल म्याड्रिडले एक खेल अगाडी नै जितिसकेको छ ।

फेसबुक प्रतिक्रिया

सम्बन्धित समाचार