अमेरिकाद्वारा चीनमाथि कोरोना भ्याक्सिन अनुसन्धान ह्याकिंगको आरोप

२०७७ श्रावण ७ बुधबार, एजेन्सी । कोरोना भाइरसविरुद्धको खोपको विकासमा खटिएका ल्याबमाथि निशाना बनाउन चीनले ह्याकरहरु नियुक्त गरेको अमेरिकाको न्याय विभागले आरोप लगाएको छ ।

कोरोना भाइरस सम्बन्धी अनुसन्धान गरिरहेका अमेरिकी कम्पनीहरुमाथि निगरानी गरेको अभियोगमा न्याय विभागका अधिकारीले दुई चिनियाँमाथि अभियोग दर्ता गरेका छन् ।

उनीहरुले चीनको सरकारी एजेन्टबाट सहयोग प्राप्त गरेको आरोप छ । अमेरिकाले हालै चीनको एक साइबर जासुसी कार्यक्रमबारे थहा भएको बताएको थियो ।

गत हप्ता बेलायत, अमेरिक र क्यानडाले रुसले कोरोना भाइरसविरुद्धको खोप सम्बन्धी जानकारी चोरीको प्रयास गरेको अभियोग लगाएका थिए ।

अमेरिकाले लि सिओयु र दोङ्ग जिझी नाम गरेका इलेक्ट्रिकल इन्जिनियरिङ्गका पूर्व विद्यार्थीमाथि साइबर अपराधमा संलग्न भएको अभियोगमा मुद्दा दायर गरेको हो ।

फेसबुक प्रतिक्रिया

सम्बन्धित समाचार