जनार्दन शर्माले सहयोग गरिरहेका छन्: प्रचण्ड सचिवालय

२०७७ श्रावण ८ बिहीबार, काठमाडौं । नेकपा अध्यक्ष पुष्पकमल दाहाल प्रचण्डको निजी सचिवालयले जनार्दन शर्मासँग जोडिएर आएका समाचारमा सत्यता नभएको बताएको छ।

बिहीबार दाहालका प्रेस संयोजक विष्णु सापकोटा जुगलले विज्ञप्ति जारी गर्दै शर्मा पार्टी एकताकै पक्षमा रहेर प्रचण्डलाई सहयोग गरिरहेको दाबी गरेका छन्।

जुगलले जारी गरेको विज्ञप्तिमा भनिएको छ, ‘पार्टी एकतादेखि आजसम्मको काममा कमरेड प्रभाकरले अध्यक्ष कमरेड प्रचण्डलाई सहयोग गर्दै आउनुभएको विदितै छ। अहिलेको पार्टी भित्रको आन्तरिक बहसमा पनि उहाँ पार्टी एकताका पक्षमा लाग्नुभएको हो। कमरेड प्रभाकरमाथि अध्यक्ष कमरेड प्रचण्डसँग जोडेर गरिएका भ्रामक प्रचारहरुलाई खारेज गर्दछौं।’

दाहालको सचिवालयले मिडियामार्फत नेताहरुमाथि लगाइने आरोप निन्दनीय छ भएको टिप्पणी गरेको छ। ‘वैचारिक बहसहरु एक जीवन्त पार्टीका विशेषताहरु हुन् । तिनै बहसका सम्बन्धमा मिडियामार्फत नेताहरुमाथि लगाइने आरोप र दुष्प्रचार निन्दनीय छ, विज्ञप्तिमा भनिएको छ।

फेसबुक प्रतिक्रिया

सम्बन्धित समाचार