२०७७ श्रावण १२ साेमबार, एजेन्सी । लेस्टर सिटीका स्ट्राइकर जेम्स भार्डीले यस सिजनको इङलिश प्रिमियर लिगको गोल्डेन बुट जितेका छन् । ३३ बर्षिय भार्डीले यस सिजनमा २३ गोल गर्दै गोल्डेन बुट जितेका हुन् ।
उनले आर्सनलका पिएरे एमरिक अउबामेयांग र साउथहम्पटनका डानी इन्ग्सलाई पछि पर्दै गोल्डेन बुट जितेका हुन् । अउबामेयांग र इन्ग्सले २२-२२ गोल गरेका थिए । त्यस्तै म्यानचेस्टर सिटीका रहिम स्टरलिङले २० गोल गरे भने लिभरपुलका मोहमद सलाहले १९ गोल गरेका थिए ।
भार्डीले गोल्डेन बुट जितेपनि अन्तिम खेलमा म्यानचेस्टर युनाइटेडसँग २-० गोल अन्तरले पराजित भएपछि च्याम्पियन्स लिगमा छनौट हुन् असफल भएको छ ।
यस अघि भार्डीले सन २०१५-१६ मा लेस्टरलाई प्रिमियर लिग जिताउदा २४ गोल गरेपनि गोल्डेन बुट भने जित्न सकेका थिएनन् । त्यो सिजनमा ह्यारी केनले २५ गोल गर्दै गोल्डेन बुट जितेका थिए । भार्डीले यस सिजनमा केवल ३ खेल गुमाएका थिए । उनले लिगका ३५ खेल खेल्दै २३ गोल गरेका हुन् ।
भार्डी प्रिमियर लिगमा गोल्डेन बुट जित्ने तेस्रो इङल्याण्डका खेलाडी हुन् । यस अघि ह्यारी केन र केभिन फिलिपले प्रिमियर लिगमा गोल्डेन बुट जितेका थिए ।
ट्रेन्डिङ
विश्वकप छनोटका लागि नेपाली टोलीको घोषणा, नयाँ अनुहारलाई प्राथमिकता (सूचिसहित)
जसपा : दलको नेतामा महतोलाई दाबी गर्दै संसद सचिवालयमा महन्थको पत्र
भारतमा शक्तिशाली ‘ताउ-ते’को आतंकः नेपाल प्रभाव कस्तो ?
उपत्यकाका यी अस्पतालमा खाली छन् आईसीयू र भेन्टिलेटर [सूची]
परीक्षा नहुँदै दोस्रो वर्षको अध्यापन