एम्बाप्पे तीन साता मैदान बाहिर!

२०७७ श्रावण १३ मङ्गलबार, काठमाडौं । पिएसजीका फ्रेन्च फरवार्ड किलियन एम्बाप्पे तीन साताका लागि मैदान बाहिर भएका छन् । पिएसजीले एम्बाप्पेको एन्कल इन्जुरी भएको र उनी ठिक हुन कम्तिमा तीन साता लाग्ने बताएको छ ।

योसंगै एम्बाप्पेले इटालियन क्लब एटलान्टाविरुद्धको च्याम्पियन्स लिगको क्वाटरफाइनल खेल गुमाउने भएका छन् । पिएसजीले एटलान्टासँग अगस्त १२ मा खेल्दै छ ।

एम्बाप्पे गत शुक्रबार कोपा डे फ्रान्सको फाइनल खेलमा सेन्ट एटीनविरुद्धको खेलमा घाइते भएका थिए । सो खेल पिएसजीले १-० ले जित्दै कोपा डे फ्रान्सको उपाधि जितेको थियो ।

एम्बाप्पे अब पिएसजी सेमिफाइनलमा पुगेमा मात्र यस सिजनको च्याम्पियन्स लिगका लागि उपलब्ध हुने छन् । त्यस्तै एम्बाप्पेले लियोनसँग हुने कोपा डी ला लिगा फाइनलको खेल समेत गुमाएका छन् । यो खेल जुलाई ३१ मा हुदै छ ।

एम्बाप्पेले यस सिजनमा पिएसजीका लागि ३४ खेल खेल्दै कुल ३० गोल र १८ गोल असिस्ट गरेका छन् । जसमा च्याम्पियन्स लिगका ७ खेलमा ५ गोल र ५ असिस्ट पनि समावेश छन् ।

फेसबुक प्रतिक्रिया

सम्बन्धित समाचार