२०७७ श्रावण १७ शनिबार, एजेन्सी । पिएसजीले फ्रान्सको कोप डी ला लिग जितेको छ । गएराती सम्पन्न फाइनल खेलमा पिएसजीले लियोनलाई पेनाल्टी सुटआउटमा पराजित गर्दै कोप डी ला लिगको उपाधि जितेको हो ।
निर्धारित ९० मिनेट र त्यसपछि थपिएको ३० मिनेटमा कुनै गोल हुन नसकेपछि खेलको निर्णय पेनाल्टीबाट भएको थियो । पेनाल्टी सुटआउटमा पिएसजी ६-५ गोल अन्तरले विजयी भएको थियो । लियोनका बेरट्राण्ड ट्राओरेले पेनाल्टी मिस गरेका थिए ।
यस अघि खेलको ११९औ मिनेटमा लियोनका राफेलले रातो कार्ड पाउदै मैदान छोडेपछि लियोन १० खेलाडीमा सिमित भएको थियो ।
योसँगै पिएसजीले कोप डी ला लिगको उपाधि नवौं पटक जितेको छ । पिएसजी फ्रान्समा यो उपाधि धेरै पटक जित्ने टिम समेत हो । लियोनले भने यो उपाधि यस अघि सन २००१ मा मात्र एक पटक जितेको छ भने यस पटकको सहित पाँच पटक फाइनलमा पुगेर पराजित भएको छ ।
फेसबुक प्रतिक्रिया
ट्रेन्डिङ
सर्वोच्चको आदेशपछि पदमुक्त मन्त्रीहरु : कोही डेढा खोज्दै, कोही सिफ्ट भइसके
युरोकप : अन्तिम १६ मा कुन टिमले कोसँग खेल्दै ?
प्रतिनिधिसभा विघटन मुद्दाको आजदेखि निरन्तर सुनुवाइ हुने
प्रधानमन्त्रीका कारण देश गम्भीर संटकतर्फ : विपक्षी गठबन्धन
क्लब हाउसमा प्रहरी अधिकृतको तस्बिर दुरुपयोग गर्ने व्यक्ति पक्राउ