सुदूरपश्चिममा थपिए २३ कोरोना संक्रमित

२०७७ श्रावण १८ आइतबार, सुदुरपश्चिम । सुदूरपश्चिम प्रदेशमा थप २३ जनामा कोरोना संक्रमण देखिएको छ । आज (आइतबार) धनगढी प्रयोगशालामा गरिएको परीक्षणमा थप २३ जनामा कोरोना पुष्टि भएको हो ।

संक्रमित हुनेमा कैलालीका २२ र बैतडीका १ रहेका छन् । सेती प्रादेशिक अस्पतालका सूचना अधिकारी दिलीपकुमार श्रेष्ठका अनुसार कैलालीको बर्दगोरी गाउँपालिका–५ का ३ महिला र ५ पुरुष गरी ८ जना, टीकापुर नगरपालिकाका २ महिला र ५ पुरुष गरी ७ जना, मोहन्याल गाउँपालिका–५का २ पुरुष, जोशीपुर गाउँपालिका–१का १ पुरुषमा कोरोना पुष्टि भएको हो ।

यस्तै धनगढी उप–महानगरपालिकाका २ पुरुष, घोडाघोडी नगरपालिका–१ र गोदावरी नगरपालिकाका १/१ पुरुषमा पनि कोरोना पुष्टि भएको छ । बैतडीको पाटनका २६ वर्षीय युवकमा समेत कोरोना पुष्टि भएको छ ।

आज थपिएका संक्रमितसँगै सुदूरपश्चिममा कोरोना संक्रमितको संख्या ४ हजार ७ सय १५ पुगेको छ । संक्रमण पुष्टि भएका ३ हजार ४६ जना डिस्चार्ज भएर घर फर्किएका छन् भने ९ जनाको मृत्यु भईसकेको छ ।

फेसबुक प्रतिक्रिया

सम्बन्धित समाचार