अमेरिकामा टिकटकको सञ्चालन स्वामित्व किन्ने प्रयासमा माइक्रोसफ्ट

२०७७ श्रावण १९ साेमबार, एजेन्सी । प्रविधि क्षेत्रको अमेरिकी जाइन्ट माइक्रोसफ्टले टिकटकको अमेरिकामा सञ्चालन अधिकार खरिदका लागि वार्ता जारी रहेको बताएको छ ।

माइक्रोसफ्टका प्रमुख सत्य नडेलाले यससम्बन्धमा राष्ट्रपति डोनाल्ड ट्रम्पसँग पनि छलफल गरेको कम्पनीले आइतबार जानकारी दिएको छ । चिनियाँ स्वामित्वको एप्लिकेशन टिकटकका कारण सुरक्षा खतरा बढेको भन्दै ट्रम्पले प्रतिबन्ध लगाउने बताउँदै आएका छन् ।

माइक्रोसफ्टले टिकटकका सम्बन्धमा पूर्ण रुपले सुरक्षा मूल्यांकन हुने जनाएको छ । माइक्रोसफ्टले अमेरिकी सरकारलाई टिकटकबाट हुने सक्ने आर्थिक फाइदाको सूचि पनि बुझाएको छ ।

आउँदो सेप्टेम्बर १५ सम्ममा टिकटकको मातृ कम्पनी बाइट डान्ससँगको वार्ता पूरा हुने अपेक्षा रहेको माइक्रोसफ्टले जनाएको छ।

फेसबुक प्रतिक्रिया

सम्बन्धित समाचार