२०७७ श्रावण २३ शुक्रबार, एजेन्सी । भारतमा कोरोना भाइरस संक्रमितको संख्या २० लाख नाघेको छ। हालसम्म संक्रमितको कुल संख्या २० लाख २५ हजार ४ सय भन्दा बढी पुगेको छ।
पछिल्लो २४ घण्टामा त्यहाँ ६२ हजार १७० नयाँ संक्रमित भेटिएका छन्। यो एक दिनमा भेटिएका संक्रमितको आँकडामा अहिलेसम्मकै धेरै हो। यसअघि ३१ जुलाईमा सबैभन्दा बढी ५७ हजार ४८६ नयाँ संक्रमित थपिएका थिए।
यो सँगै भारतमा सक्रिय संक्रमितको संख्या ६ लाख ६ हजार नाघेको छ। कुल संक्रमितमध्ये १३ लाख ७७ हजार ३ सय भन्दा बढी संक्रमणमुक्त भइसकेका छन्। बिहीबार मात्रै त्यहाँ ५० हजारभन्दा बढी व्यक्ति संक्रमणमुक्त भएर अस्पतालबाट डिस्चार्ज भएका थिए।
पछिल्लो २४ घण्टामा भारतमा ८९९ जना संक्रमितको मृत्यु भएको छ। योसँगै त्यहाँ कोरोनाबाट मृत्यु हुनेको संख्या ४१ हजार ६३८ पुगेको छ।
भारतमा २१ दिनमै १० लाख नयाँ संक्रमित थपिएका छन्। जबकि यसअघि १ लाखबाट १० लाख संक्रमित पुग्न १ सय ६९ दिन लागेको थियो।
ट्रेन्डिङ
संक्रमणको ग्राफ बढ्दै, यी ५६ जिल्लामा निषेधाज्ञा
विश्वासको मत दिनुस् : ओली, दिन सक्दैनौँ : देउवा
माओवादीले फिर्ता लियो सरकारको समर्थन [पत्रसहित]
निषेधाज्ञामा पनि काष्ठमण्डप पुनःनिर्माणको काम धमाधम
निषेधाज्ञा झन् कडाः सबै पास रद्द, के छ नयाँ आदेशमा ?