ब्राजिलमा पछिल्लो २४ घण्टामा ८४१ को मृत्यु

२०७७  श्रावण २५ आइतबार, एजेन्सी । ब्राजिलको स्वास्थ्य मन्त्रालयले दिएको पछिल्लो अपडेट अनुसार ब्राजिलमा पछिल्लो २४ घण्टामा ८४१ जनाको मृत्यु भएको छ । योसँगै ब्राजिलमा कोरोनाबाट मृत्यु हुनेको संख्या एक लाख नाघेको छ। ब्राजिलमा अहिलेसम्म कोरोनाबाट एक लाख ५४३ जनाको मृत्यु भएको छ ।

ब्राजिल अमेरिकापछि सबैभन्दा बढी कोरोना प्रभावित देश हो । अमेरिकामा अहिलेसम्म कोरोनाबाट एक लाख ६५ हजार ४१ जनाले ज्यान गुमाएका छन् भने ५१ लाख भन्दा बढी संक्रमित भएका छन् ।

साथै पछिल्लो २४ घण्टामा कुल ४६ हजार ३०५ जना कोरोना संक्रमित भएका छन् ।  योसँगै कुल संक्रमितको संख्या ३० लाख १३ हजार ३६९ पुगेको छ ।

त्यस्तै ब्राजिलमा अहिलेसम्म २० लाख ९४ हजार २९३ जना ठिक भएका छन् भने ८ लाख १८ हजार ५३३ जना संक्रिय संक्रमित रहेका छन् । ब्राजिलमा अहिले ८ हजार ९४४ जनाको आइसीयुमा उपचार भइरहेको छ ।

फेसबुक प्रतिक्रिया

सम्बन्धित समाचार