Khabar Kunja

असार २, २०७७,एजेन्सी । स्पानिस ला लिगामा सेभिया आफ्नै गल्तीले गर्दा लेभान्टेसँग बराबरीमा रोकिएको छ । यो खेल लेभान्टेको मैदानमा भएको खेल हो । आफ्नै खेलाडी डिएगो कार्लोस्ले खेल सकिन तीन मिनेट बाँकी छँदा आत्मघाती गोल गरेपछि सेभिया लेभान्टेसँग १-१ को बराबरिमा रोकिएको छ ।

बराबरीपछि २९ खेलबाट ५१ अंकसहित सेभिया तेस्रो स्थानमै छ भने ३५ अंक रहेको लेभान्टे १२औं स्थानमा छ । ४६औं मिनेटमा लुक जोङले गोल गर्दै सेभियालाई अग्रता दिलाएका थिए । तर ८७औं मिनेटमा आत्मघाती गोल गरेपछि खेल बराबरीमा सकिएको हो ।

यस्तै रियल सोसिडाड पनि ओसासुनासँग १-१ कै बराबरीमा रोकिएको छ । एड्रिएन लोपेजले २९औं मिनेटमा पेनाल्टीमा गोल गर्दै ओसासुनालाई अग्रता दिलाएका थिए । ६१औं मिनेटमा मिकेल ओयाजाबलले सोसिडाडको लागि बराबरी गोल फर्काएका थिए । बराबरीपछि २८ खेलबाट ४७ अंक जोडेको सोसिडाड गेटाफेलाई एक अंकले पछि पार्दै चौथो स्थानमा उक्लिएको छ ।

ला लिगाकै अर्को खेलमा ग्रानडा र रियल बेटिसले २-२ को बराबरी खेलेका छन् । ग्रानडा २९ खेलबाट ४२ अंक जोड्दे आठौं स्थानमा उक्लेको छ । समान खेलबाट ३४ अंक रहेको बेटिस १३औं स्थानमा यथावत छ ।

फेसबुक प्रतिक्रिया

डिएगो कार्लोस्को आत्मघाती गोल

ट्रेन्डिङ

सम्बन्धित समाचार