२०७७ भाद्र ६ शनिबार, एजेन्सी । विश्वभर कोरोनाबाट मृत्यु हुनेको संख्या ८ लाख नाघेको छ । शनिबार विहानसम्म विश्वभर मृत्यु हुनेको संख्या ८ लाख २ हजार ९५९ पुगेको छ । विश्वभर कोरोना संक्रमितको संख्या अहिलेसम्म २ करोड ३१ लाख ७ हजार ४२२ पुगेको छ ।
त्यसैगरी विश्वभर कोरोना संक्रमणपछि ठिक हुनेको संख्या एक करोड ५७ लाख रहेको छ भने अहिले विश्वभर ६६ लाख संक्रिय संक्रमित रहेका छन् । त्यस्तौ विश्वभर अहिले ६१ हजार ८२८ जनाको आइसीयुमा उपचार भइरहेको छ ।
कोरोनाबाट सबैभन्दा बढी अमेरिकामा एक लाख ७९ हजार २ सयको ज्यान गएको छ । त्यस्तै अमेरिकापछि ब्राजिलमा एक लाख १३ हजार ४५४ जनाको मृत्यु भएको छ ।
मेक्सिकोमा अहिलेसम्म ५९ हजार ६१० जनाको मृत्यु भएको छ भने भारतमा ५५ हजार भन्दा बढीको ज्यान गएको छ । बेलायतमा ४१ हजार ४०५ जनाको मृत्यु भएको छ भने इटालीमा ३५ हजार ४२७ जनाको ज्यान गएको छ । फ्रान्समा कोरोनाबाट ३० हजार ५०३ जनाको मृत्यु भएको छ भने स्पेनमा २८ हजार ८३८ जनाको ज्यान गएको छ ।
त्यस्तै पेरुमा कोरोनाबाट २७ हजार ३४ जनाको मृत्यु भएको छ भने इरानमा २० हजार ३७६ जनाको ज्यान गएको छ ।
ट्रेन्डिङ
संक्रमणको ग्राफ बढ्दै, यी ५६ जिल्लामा निषेधाज्ञा
विश्वासको मत दिनुस् : ओली, दिन सक्दैनौँ : देउवा
माओवादीले फिर्ता लियो सरकारको समर्थन [पत्रसहित]
निषेधाज्ञामा पनि काष्ठमण्डप पुनःनिर्माणको काम धमाधम
निषेधाज्ञा झन् कडाः सबै पास रद्द, के छ नयाँ आदेशमा ?