रुसमा कोरोना भाइरस  संक्रमितको संख्या घट्दै

२०७७ असार ४ बिहीबार, एजेन्सी ।  रुसमा कोरोना भाइरस  संक्रमितको संख्या घट्न थालेको छ । रुसले बिहीबार सार्वजनिक गरेको तथ्यांक अनुसार रुसमा पछिल्लो २४ घण्टामा नयाँ संक्रमितको संख्या ६ सातायताकै सबैभन्दा कम देखिएको छ ।

पछिल्लो २४ घण्टामा रुसमा सात हजार ७९० नयाँ संक्रमित फेला परेका छन् । यसअघि अघिल्लो दिन रुसमा सात हजार ८४३ नयाँ संक्रमित फेला परेका थिए । यो संख्या गत अप्रिल ३० यताकै कम थियो ।

रुसमा कोरोना भाइरसका संक्रमितको संख्या पाँच लाख ६१ हजार ९१ पुगेको छ । कोरोना भाइरसबाट मृत्यु हुनेको संख्या पनि सात हजार ६६० पुगेको छ ।

रुस संक्रमित संख्याको आधारमा कोरोना भाइरसबाट तेस्रो बढी प्रभावित मुलुक हो । कोरोना भाइरसबाट सबैभन्दा प्रभावित मुलुकको सूचीमा पहिलो स्थानमा अमेरिका र दोस्रोमा ब्राजिल छन् ।

फेसबुक प्रतिक्रिया

सम्बन्धित समाचार