अस्ट्रेलियामाथि साइबर आक्रमण बढ्दो

२०७७ असार ६ शनिबार, एजेन्सी । अस्ट्रेलियालाई लक्षित गरी साइबर आक्रमण भइरहेको र यसका कारण सरकारका सबै  व्यवसाय, आधारभूत सेवा ,तह,  र महत्वपूर्ण पूर्वाधार क्षेत्रलाई प्रभावित गर्न खोजिएको प्रधानमन्त्री स्कट मोरिसनले बताएका छन्। चीनसँग अस्ट्रेलियाको वैमनस्यपूर्ण सम्बन्ध बनिरहेको कारण साइबर आक्रमणको घटनाहरू भएका अनुमानहरू गरिएका समय कुनै देशको नाम नबताइकन साइबर आक्रमणबारे प्रधानमन्त्री मोरिसनको भनाइ बाहिर आएको हो।

खासगरी स्वास्थ्य, समस्याग्रस्त पूर्वाधार र आधारभूत सेवामा सर्वसाधारणलाई सावधानी अपनाउन सम्पूर्ण नागरिक तथा सरकारी तथा गैरसरकारी संघसंस्थालाई मोरिसनले आग्रह गरेका छन्। उनले भने, ‘केही क्षेत्रहरूलाई लक्षित गरी साइबर हस्तक्षेपमार्फत सूचनाहरू चोर्न र राज्यलाई क्षति पुर्‍याउन केही महिनादेखि साइबर आक्रमणका प्रयासहरू भइरहेको छ।’

‘यो साइबर आक्रमण कुनै राज्यसँग सम्बन्ध राख्ने क्षमतावान एजेन्टबाट भइरहेको छ। त्यहाँ धेरै व्यक्तिको संलग्नता भएको देखिँदैन’, प्रधानमन्त्री मोरिसनले भने।

अस्ट्रेलियाली प्रवुद्ध समूहको स्ट्राटेजिक पोलिसी इन्स्टिच्युटका कार्यकारी निर्देशक वर्गपिटर जेनिङ्सले अस्ट्रेलियाविरूद्ध यस प्रकारको आक्रमण गर्ने क्षमता चीनसँग रहेको दावी गर्दै भने, म विश्वस्त छु यसका पछाडि चीनको संलग्नता रहेको छ। यसैबीच चिनियाँ विदेश मन्त्रालयका प्रवक्ता झाओ लिचियानले आरोपहरूको खण्डन गर्दै चीनले साइबर आक्रमणजस्ता सबै गलत कामको विरोध गर्दै आएको र यसविरूद्ध संघर्षरत रहेको बताएका छन्।

फेसबुक प्रतिक्रिया

सम्बन्धित समाचार