मलाला युसफजाईले गरीन अक्सफोर्ड युनिभर्सिटीबाट डिग्री

२०७७ असार ६ शनिबार, एजेन्सी । अक्सफोर्ड युनिभर्सिटीबाट  मलाला युसफजाई नोबल पुरस्कार विजेताले बेलायतको  डिग्री पूरा गरेकी छन । शुक्रबार २२ वर्षीया युसफजाईले  ट्विट गर्दै आफ्नो पढाइ पूरा भएकोमा खुसी व्यक्त गरेकी छिन् । दर्शनशास्त्र, राजनीति र अर्थशास्त्रमा उनले डिग्री गरेकी हुन्।

यसपछिका दिनमा के गर्ने भन्ने आफूलाई थाहा नभएको बताउँदै उनले भनिन्, अहिलेलाई नेटफ्लिक्स, पढाइ र सुताइ । यसै उपलक्ष्यमा परिवारका सदस्यसँग केक काटेर खुसीयाली बाँडेका दुई तस्बिर उनले आफ्नो ट्विटरमा सेयर गरेकी छिन्।

स्कुलबाट घर फर्कने क्रममा तालिवान हतियारधारीले उनलाई टाउकोमै गोली हानेका थिए। घाइते युसफजाईलाई बेलायतमा लगेर बर्मिंगहमस्थित क्विन एलिजाबेथ अस्पतालमा उपचार गरिएको थियो । पाकिस्तानमा जन्मिएकी  मानवअधिकारकर्मी युसफजाई १५ वर्षको हुँदा तालिवान विद्रोहीको आक्रमणमा परेकी थिइन्

फेसबुक प्रतिक्रिया

सम्बन्धित समाचार