नाडाल कीर्तिमानी १३औं पटक ‘फ्रेन्च ओपन’ च्याम्पियन

२०७७ आश्विन २६ साेमबार, एजेन्सी । स्पेनिस खेलाडी राफायल नाडालले कीर्तिमानी १३ औं पटक फ्रेन्च ओपन टेनिसको उपाधि जितेका छन् ।

पेरिसमा आइतबार भएको फाइनलमा विश्व नम्बर एक नोभाक जोकोभिचलाई पराजित गर्दै नाडालले कीर्तिमानी १३ औं पटक फ्रेन्च ओपन जितेका हुन् । नाडालले नोभाक जोकोभिचलाई सिधै सेटमा ६-०, ६-२ र ७-५ ले पराजित गर्दै १३औ पटक फ्रेन्च ओपनको उपाधि जितेका हुन् ।

यस जितसँगै नाडालले रोजर फेडररको २० ग्राण्ड स्लामको बराबरी गरेका छन् । त्यस्तै आफ्नो १८औ ग्राण्ड स्लामको उपाधि जित्न फाइनलमा उत्रिएका जोकोभिच २ घण्टा ४१ मिनेटको संघर्षपछि पराजित भएका थिए ।

नाडालले १३ फ्रेन्च ओपनसहित चार युएस ओपन, दुई विम्बल्डन र एक अस्ट्रेलियन ओपन गरि कुल २० ग्राण्ड स्लाम जितेका छन् । त्यस्तै क्यारियरमा अहिलेसम्म २० ग्राण्ड स्लाम जितेका फेडररले ८ विम्बल्डन, ६ अस्ट्रेलियन ओपन, ५ युएसओपन र एक फ्रेन्च ओपन जितेका छन् ।

फेसबुक प्रतिक्रिया

सम्बन्धित समाचार