२०७७ आश्विन ३० शुक्रबार, काठमाडौं । कैलालीको टीकापुरका खेलाडी विनोद थापाले तेक्वान्दो खेल अन्तर्गत खेलिने ‘मोष्ट मार्सल राउण्ड हाउस किक इन वान आवर’ अर्थात् एक घण्टामा एक खुट्टाले सबैभन्दा बढी किक हान्ने विधामा विश्व रेकर्ड बनाएका छन् ।
यो विधामा अहिलेसम्म कसैले पनि रेकर्ड नबनाएको बताइएको छ । थापाले सुदूरपश्चिम प्रदेश तेक्वान्दो सङ्घले बिहीबार धनगढीमा आयोजना गरेको कार्यक्रममा एक घण्टामा एक खुट्टाले दुई हजार ७५० पटक किक हानेर नयाँ रेकर्ड बनाएका हुन् ।
गिनिज बुक अफ ओल्ड रेकर्डले तोकेको समयअनुसार उनी एक घण्टामा सो रेकर्ड बनाउन सफल भए । अब उनले आगामी कात्तिक ४ गते ‘मोष्ट मार्सल आर्टस किक इन वान आवर युजिङ अल्टरनेटिभ लेग्स’ अर्थात् एक घण्टामा दुवै खुट्टाको प्रयोग गरेर सबैभन्दा बढी किक हान्ने विधाको रेकर्ड बनाउने तयारी गरेका छन् ।
यो समय पनि गिनिज बुक अफ ओरल्ड रिकर्डले तोकेको मापदण्डअनुसार नै गरिने उल्लेख गरिएको छ । हाल यो रेकर्ड जापानका तेक्वान्दो खेलाडी मिजोकी कातोको नाममा रहेको छ ।
कातोको नाममा एक घण्टामा तीन हजार ६३२ पटक किक हानेर विश्व रेकर्ड कायम भएको खेलकुद पत्रकार सीताराम ओझाले बताए । कार्यक्रममा धनगढी उप महानगरपालिकाका प्रमुख नृपबहादुर वड, सुदूरपश्चिम प्रदेश तेक्वान्दो सङ्घका अध्यक्ष सुवाश शाही लगायतको उपस्थिती थियो ।
ट्रेन्डिङ
यस्तो थियो सुशान्तको अभिनय यात्रा
काठमाडौं महानगरका यी ठाउँमा लगाइँदैछ खोप
अबको निषेधाज्ञा केही खुकुलो, यस्तो छ नयाँ नियम
अबको एक साता नेपालको आकाशमा घाम नलाग्ने
खेल्दा खेल्दै के भयो एरिक्सनलाई ?